Ғазо секторида сўнгги 24 соат ичида камида 18 киши очликдан ҳалок бўлди, деб хабар тарқатди “РИА Новости” нашри.

Маълумотларга кўра, Ғазо секторида давом этаётган қамал шароитида тўйиб овқатланмасликдан ўлганларнинг умумий сони 86 кишига етган, улардан 76 нафари болалар. 

– Бу жимжитлик давридаги қотиллик, Ғазо Соғлиқни сақлаш вазирлиги бунинг учун Исроилни  ва халқаро ҳамжамиятни айблайди. Биз озиқ-овқат ва дори-дармонларни олиб кириш учун назорат пунктларини зудлик билан очишни талаб қиламиз, - дейилади вазирлик хабарномасида.

Якшанба куни эрталаб Ғазо Соғлиқни сақлаш вазирлиги ҳудудда тўйиб овқатланмаслик ва тиббий ёрдам олишнинг иложи йўқлиги сабабли ўлим сонининг кескин ўсиши ҳақида огоҳлантирди.

С.Раҳимов, ЎзА