Исроил армияси Ғазога уюштирилган ҳужум билан боғлиқ ёзма баёнот берди. Ҳужжатда айтилишича, 7 октябрдан бери секторга 12 мингдан зиёд ҳаво ҳужуми уюштирилган ва 1200 га яқин янги нишон аниқланиб, минглаб манзил ўққа тутилган.

Бошқа бир маълумотда Исроил қўшинининг 188-зирҳли бригадаси 53-батальони қўмондони подполковник Салмон Ҳабака Ғазо шимолидаги тўқнашувда ҳалок бўлганини маълум қилди.

Ушбу хабарга кўра, тўқнашувда 3 нафар Исроил аскари тан жароҳати олган, 31 октябрдан бери жами 18 нафар Исроил ҳарбий хизматчи қурбон берилган.