Газ таъминоти тизимида ҳам рақамлаштириш жараёнлари босқичма-босқич жорий этилмоқда. Хусусан, жойларда аҳоли ва улгуржи истеъмолчиларининг газ жиҳозларига кўрсатилаётган техник хизмат онлайн тизим орқали махсус дастурга киритилиб, белгиланган нархнома асосида ҳисобланмоқда. Бу жараён турли муаммоларнинг бартараф этилишида ва коррупцион ҳолатларнинг олдини олинишида хизмат қилиши табиий.

-Таъкидлаш лозим, чилангар томонидан махсус дастур орқали амалга оширилган барча жараёнлардан сўнг, истеъмолчи томонидан электрон имзо қўйилади, -дейди “Когонтумангаз” газ таъминоти бўлими чилангари Зулфизар Эшонқулова. -Кўрсатилган хизмат учун тўлов смс-хабар орқали маълум қилингач, тўловни бевосита мобил иловалар орқали тўлаш имконияти яратилди. 

Когон тумани “Ўба чўли” маҳалласининг Қаллуқ қишлоғидаги аҳоли хонадонларининг газ жиҳозларига кўрсатилган техник хизмат жараёни бевосита махсус дастурга киритилди ҳамда тўловлар онлайн амалга оширилди.  

Бу каби янгиланиш истеъмолчи ҳамда соҳа вакили учун қулай имконият бўлди. Ҳар бир хонадонда ўтказиладиган техник хизмат жараёнлари махсус дастур асосида киритилиб, кузатилади. Тизимдаги ҳар қандай янгиланиш мавжуд муаммоларнинг олдини олиш ҳамда камчиликларнинг ўз вақтида бартараф этилишида хизмат қилади.  

<iframe width="640" height="360" src="https://www.youtube.com/embed/5J5vTbJrQaA" title="Газ жиҳозларига кўрсатилаётган техник хизмат учун онлайн тўлаш имконияти яратилди" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Зариф Комилов, ЎзА