“Politico” сўрови натижаси Ғарб мамлакатларида Учинчи жаҳон уруши бошланиши мумкинлигидан хавотир кучайиб бораётганини кўрсатмоқда.

Масалан, АҚШда сўралганларнинг 46 фоизи 2031 йилга келиб глобал можаро юз беришига ишонади. Буюк Британияда эса бу кўрсаткич 43 фоизни ташкил қилган. Фақат Германияда сўровда қатнашганларнинг аксари бунга шубҳа билан қараган.

Таъкидланишича, Европада кўпчилик Россияни тинчликка асосий таҳдид сифатида кўради. Франция, Германия ва Буюк Британия жамоатчилиги иккинчи жиддий таҳдид сифатида Хитойдан кўра кўпроқ АҚШни белгилаган.

Шунингдек, Буюк Британия, Франция ва Канада аҳолисининг камида учдан бир қисми кейинги беш йил ичида ядровий қуролдан фойдаланилиши эҳтимоли борлигига ишонмоқда.

С.Раҳимов, ЎзА