Россия-Украина

Қўшма Штатлар Украина атрофидаги зиддиятни ҳал этишда Хитойнинг “роли борлигини” инкор этмайди. Бу ҳақда Давлат департаментининг матбуот хизмати раҳбари ўринбосари Ведант Пател маълум қилди.  

“Аввал ҳам айтганимиздек, Украина инқирози Киевнинг иштирокисиз ҳал бўлиши мумкин эмас. Бу ўринда, очиқ айтиш керак бўлса, Хитойнинг дипломатик қўллови жуда муҳим”, деди у.  

АҚШ Европа кенгашининг Украинани қайта тиклаш механизмини ташкил этишда қатнашади. Бу ҳақда Қўшма Штатларнинг БМТдаги доимий ваколатхонаси тарқатган баёнотда айтилади.

Европа кенгаши давлат раҳбарлари ва ҳукумат раисларининг Рейкьявикда 16-17 май кунлари ўтадиган саммитда айнан шу мавзу кўриб чиқилиши кутилмоқда.

Франция Президенти Эммануэль Макрон Париж украиналик учувчиларни қайта ўқитишга тайёр, деб баёнот берди.

“Биз Европанинг бошқа мамлакатлари билан билан биргаликда бу ишда ҳамкорлик қиламиз”, деди у “TF1” телеканалига суҳбатда.  

Макрон журналистларнинг Франция томонидан Украинага қирувчи самолётлар етказиб бериш тўғрисидаги саволларига аниқ жавоб бермаган.

Шунингдек, у “Париж Москва билан уруш олиб бормаяпти ва Россия ҳудудига ҳужум учун Киевга қурол-аслаҳа бермаяпти”, деган.

Украина Қуролли кучларига йил охиригача етказиб бериш мўлжалланган “Abrams” танкларини қайта жиҳозлаш ишлари бошлаб юборилган, деб хабар қилди Пентагоннинг матуот котиби генерал Патрик Райдер.

“Танкларни қайта жиҳозлаш ва украиналик учувчиларни қайта ўқитиш амаллари бир пайтда ўтаётгани учун йил охиригача режалар тўлиқ бажарилади”, деб қўшимча қилган у.  

Қўшма Штатлар Украинага қирувчи-бомбардимончи “F-16” етказиб бермаслик тўғрисидаги ваъдаларимиз ўзгармаган, деб баёнот берди Оқ уй Миллий хавфсизлик кенгашининг стратегик коммуникациялар бўйича мувофиқлаштирувчи Жон Кирби.

Буюк Британия Украинага ҳарбий ёрдам кўрсатишда давом этади. Бу ҳақда мудофаа вазири Бен Уоллес маълум қилди.  

“Киевнинг музокаралар ўтказишга ҳар томонлама тайёр эканини кўрсатиш учун украиналиклар ён бермасликлари керак. Британия ҳам ҳарбий, ҳам иқтисодий ёрдам беришни давом эттиради”, деди вазир.  

Жанубий Африка Республикаси Украина инқирозига аралашиб қолган бирор давлат ёки гуруҳнинг ёнини олмайди, деди мамлакат Президенти Сирил Рамапоса.

“ЖАР зиддият бошлангандан бери қўшилмаслик позициясидан чекилиб, бир томонни қўллаб-қувватлаш тўғрисида босимлар остида қолиб келмоқда. Бу масалада қарашларимиз қатъий”, деди давлат раҳбари.

Буюк Британия Украинага қўшимча равишда юзлаб зенит-ракета мажмуаси ва учувчисиз учоқлар етказиб беради. Бу ҳақда Бош вазир Риши Сунак Украина Президенти Владимир Зеленский билан Лондонда бўлиб ўтган суҳбат чоғида айтган.  

Пекин қулай фурсат туғилган пайтда Хитойнинг Евроосиё ишлари бўйича махсус вакили Ли Хуэянинг Украина, Польша, Франция, Германия ва Россияга сафарлари тўғрисида батафсил маълумот беради. Бу ҳақда ХХР ТИВнинг расмий вакили Ван Вэньбинь хабар қилди.

Ли Хуэй 15 май куни Украина, Россия ва Европа мамлакатларига сафарини бошлаган.

Президент Зеленский Европа мамлакатларига сафарининг устувор йўналишларидан бири мамлакати Қуролли кучларининг аксилҳужумга тайёргарлиги билан боғлиқ эканини маълум қилди.  

“Италия, Германия, Франция ва Буюк Британияда мамлакати мудофаа қобилиятини қўллаш бўйича муҳим келишувларга эришилди”, деб баёнот берди у.  

“Украинага, шунингдек, қирувчи учоқлар етказиб бериш ҳамда НАТОнинг Вильнюс саммитига тайёргарлик тўғрисида музокаралар ўтказилди”, деб қўшимча қилди Зеленский.  

Аброр ХОН,

ЎзА