Италиянинг Терамо шаҳрида гандбол бўйича “51th Interamnia World Cup” мусобақасининг гуруҳ босқич ўйинлари Ўзбекистон ўсмирлар терма жамоаси учун муваффақиятли якунланди.

Маҳоратли гандболчиларимиз кеча “В” гуруҳида ўтказилган сўнгги тур ўйинларида аввалига Ливиянинг “Omar Abou” клуби вакиллари билан куч синашди. Ғалабага бўлган иродасини намойиш этган ўзбекистонлик гандболчилар 27:19 ҳисобида зафар қучди.  

Шундан сўнг гуруҳ босқичининг охирги икки учрашувида ҳамюртларимиз Жазоирнинг “Crea Еl Harrouch” ва Франциянинг HC “Aix en Savoie” жамоалари билан куч синашди.  

“51th Interamnia World Cup” кашфиётига айланган Ўзбекистон ўсмирлар терма жамоаси ҳар икки жамоадан ҳам устун келди.  

Айниқса, кучлилар қаторида таснифланган Франциянинг HC “Aix en Savoie”  жамоасини 32:19 ҳисобида доғда қолдиргани мусобақанинг шов-шувли учрашуви, дея талқин этилди.  

Нуфузли мусобақанинг гуруҳ босқичини юз фоизлик натижа билан якунлаган ўзбекистонлик ёшлар эртага кейинги босқич басҳларида майдонга тушади.  

Мусобақанинг финал ўйинлари 14 июль куни бўлиб ўтади  

Т.Рўзиев, ЎзА