Ҳар бир муваффақиятли шахснинг ортида фидокор устозларнинг меҳнатлари мужассам. Миллий гвардия тизимидаги От спорти бўйича республика олий спорт маҳорати мактабида бир неча йиллардан буён фаолият юритиб келаётган мураббийлар ҳам ана шундай фидойилардан. Сўзимиз шу ҳақда.

Устозларнинг фидокорона саъй-ҳаракатлари билан бугунги кунда кўплаб ёш спортчилар от спортининг турли йўналишларида республика ва халқаро майдондаги мусобақаларда юқори натижаларга эришиб келмоқда.

Уларнинг ҳар бир кўрсатмаси орқасида йиллар давомида тўпланган тажриба ва чуқур меҳр бор. Йиллар давомида улар нафақат тулпорлар билан, балки инсон қалби билан ишлашни, ёш чавандозларнинг ички дунёсини англашни ўрганишди.

Бугун бу мураббийлар от спорти соҳасида ҳурмат ва эътиборга сазовор бўлган устозлар саналади. Уларнинг изидан эргашаётган ёш чавандозлар келажакда юртимиз байроғини юксакларга кўтарадиган чинакам чемпионлар бўлишларига ишонамиз.

<iframe width="560" height="315" src="https://www.youtube.com/embed/czaD-Hf_UgY?si=OOmRnCutmGE2MmiZ" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Хилола Абрайқулова, Тўлқин Рўзиев, Анвархўжа Аҳмедов(видео) ЎзА