Gaiti bosh vaziri korteji o‘qqa tutildi
Gaitida jinoyatchilik shu darajaga yettiki, hatto mamlakat bosh vaziri Ariel Anri ketayotgan kortej ham uyushgan jinoyatchi guruhlar tomonidan o‘qqa tutildi. Qurollangan jinoyatchilar uni milliy qahramon Jan-Jak Dessalinni xotirlash marosimiga ketayotganda o‘qqa tutgan, deb xabar bermoqda REN TV kanali.
Voqedan bosh vazir jabr ko‘rmagan, lekin uning tadbirga kelishi bir necha soatga cho‘zilgan. Bu paytda jinoiy guruhlarning ayrim vakillari tadbirga hukumat rahbaridan oldin yetib kelib, namoyishkarona Dessalin yodgorligi poyiga gul qo‘ygan.