Gaagada joylashgan Belarus elchixonasi hujumga uchradi, deb xabar tarqatdi “RIA Novosti”. Voqea tunda yuz bergan. Buzg‘unchilar devorga qora va qizil buyoqda chizib tashlagan. Bundan tashqari binoning bir necha oynasi chil-parchin qilingan.

Ayni payt elchixona xodimlari devorni tozalayapti. Ta’kidlanishicha, politsiya gumondorlardan birini hibsga olgan, surishtiruv davom etyapti. Belarusning Niderlandiyadagi elchixonasi voqea yuzasidan rasmiy izoh berishdan bosh tortgan.