Россия-Украина

Рим Папаси Франциск Украина атрофидаги зиддият бошланганига бир йил тўлиши олдидан оташкесинни тўхтатиш ва тинчлик музокараларини бошлашга чақирди.  

Понтифик Ватиканда “бу ишнинг бошида турган ҳокимият раҳбарларига  мурожаат қиламан: барча имкониятларни ишга солиб, инқирозни якунлаш, ўқ отишни тўхтатиш ва музокаралар бошлашни сўрайман. Вайроналар олдида ҳақиқий ғалабага ҳеч қачон эришиб бўлмайди”, деган.  

ЕИ ташқи сиёсат хизмат раҳбари Жозеп Боррель БМТ Бош ассамблеяси махсус сессиясидаги чиқишида қатнашчиларни Украинани қўллаб-қувватлашга ва Россияни у ердан чиқиб кетишини талаб қилишга чақирди. “ЕИ Киевга ҳарбий ва молиявий кўмак беришни давом эттиради”, деб баёнот берди.

Италия Бош вазир ўринбосари, Ташқи ишлар вазири Антонио Таяни Украинада тинчликка эришиш учун “жамоавий дипломатик саъй-ҳаракатларни кучайтиришимиз лозим”, деди.  

“Тинчлик – стратегик мақсад, барчамиз бунга интилишимиз керак. Италия тинчлик адолатсиз бўлиши мумкин эмас, бу эса Украинанинг мустақиллиги, суверенитети ва ҳудудий яхлитлигини ҳурмат қилишни англатади”, деди Таяни.

Бирлашган Қироллик Мудофаа вазири ўринбосари Жеймс Хиппи “Буюк Британия яқин орада Украинага қирувчи самолётларни беришни мўлжалламаяпти, биз уларга хизмат кўрсатадиган мутахассисларимизни жанговар ҳаракатлар давом этаётган минтақага юборишни истамаймиз”, деб баёнот берди.

Венгрия Бош вазири Виктор Орбан Украина можаросини ҳарбий йўллар билан қўллаётганларни, шу жумладан, АҚШ маъмурияти ва ЕИ раҳбариятини ўзининг душманлари, деб ҳисоблашини айтди. Бу ҳақда маҳаллий Magyar Nemzet” газетаси маълум қилди.

Чехия Бош вазири Петр Фиаланинг маълум қилишича, унинг мамлакати Украинага 1,68 миллиард миқдорида ҳарбий ёрдам берган.  

“89 танк, 226 жанговар ва бронмашина, 39 гаубица ҳамда олтита ҳаво ҳужумидан ҳимоя тизими шулар жумласидандир”, деган.

Белоруссия Украинада оташкесинни тўхтатишнинг ягона йўли аввалдан қўйилмайдиган талаблар асосида кечиктирмасдан музокаралар бошлашдир, деган Беларуснинг БМТдаги доимий вакили Валентин Рибаков.

Президент Владимир Зеленскийнинг берган маълумотига кўра, етти ой мобайнида 43 дан зиёд хориж давлатларига Киевнинг дон ташаббуси натижасида озиқ-овқат маҳсулотлари етказиб берилган.

Испания ҳукумати Украинага олтита “Leopard” танкини юборишни мўлжалламоқда, деди Қироллик Мудофаа вазири Маргарита Роблес.

Унинг сўзларига кўра, 800дан зиёд украиналик мамлакатда ҳарбийлар махсус курсларда таълим олганлар.

Польша яқин бир неча ҳафта ичида Украинага 14 та “Leopard 2” танкини етказиб беради, деб хабар берди ТИВ матбуот котиби Лукаш Ясина.

Зеленский 24 февраль куни “G7” йиғилишининг очилиш маросимида онлайн тарзда қатнашади, деб хабар берди Япония Бош вазири бош котиби Хирокадзу Мацуно.

Июль ойида Вильнюсда НАТОнинг саммити ўтказилади, унинг ишида Зеленскийинг қатнашиши режаланмоқда, деб хабар берди Украинанинг Литвадаги элчиси Петр Бешта.

Украина етакчиси Зеленский Олий Радага мурожаат этиб, Хавфсизлик кенгашининг Россиянинг барча банклари ва бошқа молиявий муассасаларига қарши 50 йилга санкция қўллаш кўзланган ҳужжатни қўллаб беришни сўраган.  

Аброр ХОН, ЎзА