Европа Иттифоқи ва G7 мамлакатлари РФ нефтини денгиз орқали ташишни тўлиқ тақиқлаш бўйича музокаралар олиб бормоқда, бу расмий Москванинг нефть даромадларини камайтириш мақсадида амалга оширилади, чунки “қора олтин”дан тушган даромадлар Украинадаги низони молиялаштириш учун йўналтирилмоқда, деб ёзди “Reuters” ахборот агентлиги.

Тақиқ Россия нефтининг учдан бир қисмини экспорт қилишни тўхтатиши мумкин, бу нефть асосан Ғарб юк ташиш компаниялари орқали Ҳиндистон ва Хитойга етказиб берилади. 

Манбаларга кўра, ушбу тақиқ Европа Иттифоқининг Россияга қарши қаратилган навбатдаги санкцияларининг бир қисми бўлиши мумкин. 

С.Раҳимов, ЎзА