G7 басшылары Ұлыбританияда өткен саммит аясында Беларусьтағы жағдайды талқылады.

Саммиттің қорытындысы бойынша қол қойылған бірлескен мәлімдемеде «Үлкен жетілік» лидерлері Беларусьта билік органдарының адам құқықтары, негізгі құқықтар мен бостандықтарға және халықаралық құқыққа қарсы жүргізіліп жатқан қысымға алаңдаушылық білдірген. Соның негізінде олар елде жаңа президент сайлауы өткізуге шақырды.

Мәлімдемеде Беларусь билігінің бұзушылықтарының мысалы ретінде 23 мамырда Ryanair ұшағының Минскіге мәжбүрлі түрде қонуы және Беларусь оппозициясының жетекшісі Роман Протасевичтің қамауға алынуы көрсетілген. «Біз осы оқиғаның кінәлілерін жауапқа тарту және Беларусь қоғамын, тәуелсіз бұқаралық ақпарат құралдарын және адам құқықтарын қолдау үшін санкциялар қолдану үшін бірге жұмыс істейтін боламыз», - делінген.

G7 көшбасшылары Беларусь басшылығын өз бағытын өзгертуге, ЕҚЫҰ-ның Мәскеу механизмі шеңберіндегі сарапшылардың ұсынымдарын орындауға, қоғамның барлық топтарымен байланыс орнатуға және еркін және әділ сайлау өткізуге шақырған.