"Катта йигирматалик" чоршанба куни февралдан буён биринчи бор қўшма декларацияни қабул қилди, деб баёнот берди Индонезия Президенти Жоко Видодо G20 раислигининг Индонезиядан Ҳиндистонга топширилиши маросимида.

Ушбу анъанавий маросим 15-16 ноябрь кунлари бўлиб ўтган “йигирматалик” саммитининг якуний тадбири сифатида бўлиб ўтди.

"Февралдан буён биринчи бор G20 қўшма декларация бўйича бир тўхтамга келди ва қабул қилди", – деб баёнот берди Индонезия Президенти.

G20 нинг 2022 йилда бўлиб ўтган аксарият тадбирларида, жумладан, вазирлар даражасида бўлиб ўтган учрашувларда ҳам иштирокчилар консенсусга келолмагани боис қўшма ҳужжат қабул қилишнинг имкони бўлмаганди.