“Mahalla” xayriya jamoat fondining viloyat bo‘limi, viloyat madaniyat va sport ishlari, xalq ta’limi boshqarmalari va boshqa tashkilotlar hamkorligida o‘tkazilgan musobaqada o‘nga yaqin jamoa ishtirok etdi. 

Keskin va murosasiz kechgan bahslar yakunida 9-10, 11-12, 13-14 yoshli bolalar o‘rtasida Shahrisabz tumanidagi G‘afur G‘ulom, G‘uzor tumanining G‘armiston, Qarshi shahridagi Naqshab mahallalari jamoalari g‘olib chiqib, bellashuvning yakuniy bosqichiga yo‘llanmani qo‘lga kiritdi. 

– O‘sib kelayotgan yosh avlodni jismonan sog‘lom, ma’nan yetuk insonlar etib tarbiyalash davlatimiz siyosatining ustuvor yo‘nalishlaridandir, – deydi “Mahalla” xayriya jamoat fondi Qashqadaryo viloyati bo‘limi raisi Yorqul Tursunov. – O‘tkazilayotgan bu kabi tadbirlar ana shu maqsadga xizmat qiladi. Bolalarning yozgi ta’til vaqti mazmunli o‘tishini ta’minlash, yangi-yangi iste’dodlarni kashf etish imkonini bermoqda.

Musobaqa g‘olib va sovrindorlariga tashkilotchilarning maxsus sovg‘alari topshirildi.