Bugun, 21 dekabr kuni O‘zbekiston milliy futzal terma jamoasi Buxoro shahrida Rossiya terma jamoasiga qarshi navbatdagi xalqaro o‘rtoqlik uchrashuvini o‘tkazadi.

Ma’lumotlarga ko‘ra, jamoalar o‘rtasidagi ikkinchi o‘rtoqlik bahsi tomonlarning o‘zaro kelishuviga binoan muxlislar hamda ommaviy axborot vositalari vakillari uchun yopiq tarzda tashkil etiladi.

Eslatib o‘tamiz, O‘zbekiston futzal terma jamoasi Rossiyaga qarshi ilk 0:2 hisobida ortda qolayotgan bir vaziyatda ajoyib kambek namoyish etib, 3:2 hisobida g‘alabaga erishgan edi.

Javohir Toshxo‘jayev, O‘zA