Toshkent shahridagi “Yunusobod” sport majmuasida uch kun davom etgan mamlakat chempionatining 5-tur o‘yinlari nihoyasiga yetdi.
Ishtirokchi o‘n ikkita jamoa ikkitadan o‘yin o‘tkazdi. “Huaxin-Jizzax”, “Paxtakor” va “Navbahor” jamoalari har ikkala o‘yinlarida g‘alaba qozonishdi, aksincha, “Neftchi”, “Nasaf” va “Dinamo” jamoalari birorta ham ochko ishlay olmadi.
Bu turda iqtisodiy muammolarini hal etib, tayyorgarlik mashg‘ulotlarini ham o‘tkazmay Toshkentga arang yetib kelgan “Stroitel-Zarafshon” “Dinamo”ni mag‘lub etib, mavsumdagi ilk g‘alabasini nishonladi. Ilhomjon Yusupjonovning bir daqiqada ikkita gol kiritishi “Navbahor”ning o‘zidan ancha yuqorida borayotgan “Metallurg” ustidan zafar quchishini ta’minladi.
Nafaqat turning, balki chempionatning markaziy uchrashuvlaridan biri sifatida ta’rif berilgan AGMK va “Lokomotiv” uchrashuvi kutilganidek shiddatli, keskin va murosasiz, qiziqarli o‘tdi. Xavfli vaziyatlar, takrorlanmas kombinatsiyalar, maroqli individual xatti-harakatlar har ikkala jamoa tomonidan namoyish etib berildi. Yakunda hisob ham shunga yarasha bo‘ldi – darvozani nishonga olish hech bir jamoaga nasib etmadi.
Uchinchi kungi uchrashuvlarni bashorat qilganlar deyarli adashishmadi. Teng kurashlar ostida o‘tgan “Metallurg” va “Maksam-Chirchiq” o‘yinida durang qayd etilganini inobatga olmaganda qolgan o‘yinlarda kuchli deya e’tirof etiladigan jamoalar zafar quchishdi.
Shu tariqa turnir jadvalida 34 ochkodan jamg‘argan AGMK va “Lokomotiv” jamoalari peshqadamlik qilishyapti, “Huaxin-Jizzax” esa ulardan atigi bir ochko ortda boryapti. Jadvalning so‘nggi pog‘onalarini “Stroitel-Zarafshon” va “Dinamo” jamoalari 4 ochkodan jamg‘argan holda “band” etib turishibdi.
Chempionatning 6-tur uchrashuvlari 19-21 yanvar kunlari Jizzax va Olmaliq shaharlarida tashkil etilishi rejalashtirilgan.
Futzal. Oliy liga
Birinchi kun. 13 yanvar, payshanba
NEFTCHI – HUAXIN-JIZZAX – 3:5 (2:2).
Gollar: Diyor Karimov (5) – Ilhomjon Hamroyev (14-o‘z darv.), Husniddin Nishonov (14, 15), Davron Choriyev (27), Ixtiyor Ropiyev (30), Dilmurod Jumayev (31), To‘ychiboy Berdiyev (33-o‘z darv.)
DINAMO – STROITEL-ZARAFSHON – 1:3 (1:2).
Gollar: Samariddin Berkinov (6) – Jo‘rabek Yo‘ldoshev (4), Shohruh Mo‘minov (12), Jasur Haydarqulov (29)
NAVBAHOR – METALLURG – 3:2 (3:1).
Gollar: Farhodjon Shokirov (11), Ilhom Yusupjonov (18, 18) – Ilhom Rajabov (14), Farhod Qodirov (29)
NASAF – LOKOMOTIV – 4:8 (3:5).
Gollar: Jasur Xalimov (1), Mamasharif Xalimov (6), Shohruh Norqulov (15), Shohruh Ne’matov (31) – Akbar Usmonov (6, 18), Amirjon Sa’dullayev (16), Jamoliddin Normirzayev (19, 20), Boburbek Ergashev (30, 33), Sarvar Shoahmedov (37)
Ikkinchi kun. 14 yanvar, juma
BUNYODKOR – NEFTCHI – 3:2 (1:0).
Gollar: Shohruh Shokarimov (22), Olimjon Vohidov (38) – Jahongir Maxsudov (11-o‘z darv.), Abdusattor Abdurahmonov (37), Diyorjon Karimov (39)
PAXTAKOR – DINAMO – 6:5 (2:1).
Gollar: Alisher Ibrohimov (8, 23, 25), Zahriddin Abduvaliyev (16), Feruz Faxriddinov (36), Konstantin Sviridov (39) – Daler Eshonqulov (2, 24), Muhammad Rajabov (21), Mehroj Xudoyberdiyev (31), Samariddin Berkinov (40
MAKSAM-CHIRCHIQ – NAVBAHOR – 3:5 (0:2).
Gollar: Javlon Anorov (23), Husanjon G‘aniyev (26), Bekzod Jumaboyev (28) – Azimjon Ne’matullayev (10), Farhodjon Shokirov (12, 31, 32), Hakimjon Abdurashidov (36)
AGMK – LOKOMOTIV – 0:0.
Uchinchi kun. 15 yanvar, shanba
METALLURG – MAKSAM-CHIRCHIQ – 3:3 (3:0)
Gollar: Temur Saydullayev (7), Islombek Biyto‘rayev (13, 16) – Javlon Anorov (26), Timur To‘raqulov (36), Botir Rizayev (37)
STROITEL – PAXTAKOR – 2:6 (1:2).
Gollar: Jasur Haydarqulov (26) – Alisher Ibrohimov (15), Feruz Faxriddinov (16), Sunnatjon Anvarov (19-o‘z darv.), Muhammad Zoirov (22), Konstantin Sviridov (30, 40), Akmal Elmurodov (33)
NASAF – AGMK – 2:4 (1:3).
Gollar: Mamasharif Xalimov (2), Jasur Xalimov (21) – Sunnatulla Jo‘rayev (5), Avazbek Abduvaliyev (9, 26), Isaxon Ibrohimov (11)
HUAXIN – BUNYODKOR – 6:1 (3:1).
Gollar: Husniddin Nishonov (3), Ilhomjon Hamroyev (12), Ixtiyor Ropiyev (34), Davron Choriyev (34) – Muhammadbobur Rahmonberdiyev (7).
Oybek YUNUSOV, O‘zA