Футзал: қалампир жаҳон чемпионати рамзи сифатида эътироф этилди
Жорий йилнинг 14 сентябрь-6 октябрь кунлари Тошкент, Бухоро, Андижон шаҳарларида футзал бўйича навбатдаги жаҳон чемпионати баҳслари ўтказилади.
Халқаро футбол ассоциациялари федерацияси (ФИФА) ва "Adidas" компанияси дунё футзал ишқибозлари диққат марказида бўлган мазкур жаҳон чемпионатининг расмий тўпини намойиш этди.
Тўп дизайни футзалнинг тезкор табиати ҳамда Ўзбекистоннинг бой маданий меросини акс эттирган бўлиб, анъанавий ўзбек ошхонасида фойдаланиладиган қалампир тасвири тўпда акс этган.
Айтиш лозим, қалампир ФИФА томонидан футзал бўйича Жаҳон чемпионати кубогининг тимсоли сифатида эътироф этилган.
Т. Рўзиев, ЎзА