Индонезиянинг Жакарта шаҳрида Футзал бўйича 18-Осиё Кубоги давом этмоқда. Ушбу турнирда аллақачон бир қатор гранд терма жамоалар ўз учрашувларини ўтказиб улгурди.

Индонезияда футзал бўйича XVII Осиё кубогининг гуруҳ босқичида биринчи тур учрашувлари ўз якунига етди.

Кубок баҳсларининг “А” гуруҳида Индонезия ва Ироқ терма жамоалари 3 очко жамғариб пешқадамга айланган бўлса, Қирғизистон ва Жанубий Корея жамоалари 3-4-ўринда қолди. “Б” гуруҳида эса Таиланд ва Вьетнам биринчи турдаги ғалаба сабабидан 1-2 ўринга жойлашган бўлса, Кувайт ва Ливан қуйи ўринни банд этди.

Биз учун аҳамиятли бўлган “С” гуруҳида Осиёнинг тўрт карра чемпиони Япония 3 очко билан гуруҳ етакчисига айланди. Ўзбекистон миллий терма жамоаси илк турда Тожикистон билан қайд этилган дуранг натижасида ҳар иккала жамоа 1 очкони қўлга киритди ва 2-3-ўринни эгаллади. Австралия термаси очкосиз иккинчи турга ўтди.  

“Д” гуруҳидан Эрон ва Афғонистон иккинчи тур остонасида 3 очко билан гуруҳ карвонбошиларига айланган бўлса, улар ортидан Малайзия ва Саудия Арабистони терма жамоалари бормоқда.

Бугун, 29 январь куни “А” ва “Б” гуруҳида иккинчи тур учрашувлари бўлиб ўтади. Унда Индонезия ва  Қирғизистон, Ироқ ҳамда Жанубий Корея,  Таиланд – Кувайт, Вьетнам – Ливан баҳсига гувоҳ бўламиз.  

“С” ва “Д” гуруҳидаги иккинчи тур ўйинлари 30 январь куни бўлиб ўтади.

<iframe width="560" height="315" src="https://www.youtube.com/embed/y75IMJo3pw8?si=7zxLSkoNkVJEl7I2" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жавоҳир Тошхўжаев, Карим Худойқулов, ЎзА