Эртага, 7 январь куни пойтахтимизда футзал бўйича Олий лига баҳсларининг 7-тур учрашувлари бошланади.

Бугун футзал бўйича Ўзбекистон чемпионати ўйинлари бошланиши олдидан жамоа раҳбарлари, ўйинларни бошқариб борадиган ҳакамлар, техник қўмита вакиллари иштирокида йиғинлар ўтказилади.

7-тур учрашувларида мухлисларни бир қатор марказий ва муросасиз баҳслар кутиб турибди. Мусобақа жадвалининг юқори поғоналарида бораётган жамоалар учун ҳам, аутсайдерлар сафидаги клублар учун ҳам олти очколик аҳамиятга эга бўлган ўйинлар катта қизиқиш уйғотиши кутилмоқда.

Янги йилнинг дастлабки тур ўйинларининг биринчи кунги мусобақаларида Термизнинг "Сурхон" жамоаси "Максам Чирчиқ" билан, "Oil Star" “Нефтчи” билан, "Қизилқум" "Бунёдкор" билан тўқнаш келади.

Ортда қолган 6-тур ўйинларидан кейин “BMB” футзалчилари 46 очко билан пешқадамлик қилмоқда. Кейинги поғоналардан жой олган OKMK ва СҚБ ҳисобида 35 очко мавжуд.

Пойтахтимиздаги “Юнусобод” спорт мажмуасида старт оладиган Олий лиганинг 7-тур ўйинлари 12 январга қадар давом этади.

Т.Рўзиев, ЎзА