O‘zbekiston futzal federatsiyasi xabariga ko‘ra, ispaniyalik taniqli futzal mutaxassisi Xose Mariya Mendes milliy terma jamoamizning yangi bosh murabbiyi etib tayinlandi.

Mendes 2011–2012 hamda 2014–2017-yillar davomida O‘zbekiston milliy terma jamoasini boshqargan. Uning rahbarligida terma jamoamiz 2016-yilgi Osiyo chempionatida kumush medalga sazovor bo‘lgan.

2008–2009-yillarda Tailand, 2010-yili Vetnam milliy terma jamoasini boshqargan 52 yoshli Xose Mariya Pazos Mendes murabbiylik faoliyati davomida Ispaniyaning “Lugo”, “Autos Lobelle” Melilya”, “Valensiya”, Xorvatiyaning “Orkan”, “Barsel” jamoalarida ish olib borgan.

2019–2026-yillar davomida Tailandda, 2023-yilda qisqa muddat Xitoyning "Shenzen" jamoasini boshqargan Xose Mariya Mendes murabbiy sifatida ikki karra Osiyo kubogi vitse-chempioni, klublar o‘rtasida Osiyo chempionati hamda qit’a kubok egalari kubogi sovrinini qo‘lga kiritgan.

T.Ro‘ziyev, O‘zA