Jizzax va Olmaliq shaharlarida o‘tkazilayotgan mamlakat chempionati oltinchi turining ikkinchi kungi o‘yinlari ancha tomoshabop o‘tdi.

Ayniqsa, Olmaliqdagi uchrashuvlarda kutilmagan natijalar kuzatildi.

Aytaylik, kechagi bahslarda eng kam tomoshabin “Lokomotiv” – “Stroitel-Zarafshon” o‘yiniga keldi – 17 nafar. Sababi, ko‘pchilik o‘yin bir tomonlama bo‘ladi, “Lokomotiv” yirik hisobda g‘alaba qozonadi, deb o‘ylagani aniq edi. Vaholanki, ular armonda qolishdi. Birinchi bo‘lim zarafshonliklar foydasiga hal bo‘layotganda ham birov “Lokomotiv”ning mag‘lubiyatiga hali ishonmayotgandi. O‘yin oxiriga qadar hisob tenglashdi ham. So‘nggi daqiqaning so‘nggi soniyalarida esa Ravshan Tolibov tomonidan kiritilgan gol “Lokomotiv”ning yetakchilar bilan oradagi farqini kattalashtirishga, “Huaxin-Jizzax”ning birinchi pog‘onaga ko‘tarilishiga xizmat qildi. Sababi, AGMK ham “Paxtakor”ga qarshi o‘yinda durangga “rozi” bo‘lib, ikki ochkoni boy berdi. Yana bir qiziqarli bahs “Nasaf” va “Dinamo” jamoasi o‘rtasida kechdi. Samarqandliklar qarshiliklarni yirik hisobda mag‘lub etishning uddasidan chiqishdi.  

Futzal. Oliy liga. 6-tur.
Ikkinchi  kun. 20 yanvar, payshanba

Jizzax. “So‘g‘diyona” sport majmuasi.

BUNYODKOR – MAKSAM-JIZZAX – 2:5 (1:4).

Gollar: Mirzohid Haydarxo‘jayev (20, 27) – Husanjon G‘aniyev (7, 12), Botir Rizayev (9), Javlon Anorov (20), Timur To‘raqulov (34)

NEFTCHI – METALLURG – 2:3 (0:3).

Gollar: Shuhratbek Rashidov (22, 32) –  Farhod Qodirov (12), Akmaljon Ma’rifaliyev (14), Temur Saydullayev (17)

HUAXIN-JIZZAX – NAVBAHOR – 7:1 (3:0).

Gollar: Elbek To‘lqinov (3), Davron Choriyev (12, 13), Farhod Abdumavlonov (22), Dilshod Rahmatov (29), Anasxon Rahmatov (39) – Azimjon Ne’matullayev (29), Doniyor Sotvoldiyev (33-o‘z darv.)

Olmaliq. “OKMK” sport majmuasi.

LOKOMOTIV – STROITEL-ZARAFSHON – 4:5 (1:2).

Gollar: Boburbek Ergashev (17, 35), Akbar Usmonov (33) – Shuhrat Ma’murov (5), Jasur Haydarqulov (15, 22, 39), Umid Mo‘minov (31-o‘z darv.), Ravshan Tolibov (40)

NASAF – DINAMO – 2:5 (2:2).

Gollar: Mamasharif Xalimov (7, 17) – Samariddin Berkinov (9), Mehroj Xudoyberdiyev (14), Muhammad Rajabov (23), Qosimjon Safarov (29), Daler Eshonqulov (35)

AGMK – PAXTAKOR – 3:3 (2:1).

Gollar: Davronjon Abdurahmonov (2), Avazbek Abduvaliyev (9), Davlat Ibrohimov (27) – Muhammad Zoirov (19), Sherzod Mustafoyev (27), Konstantin Sviridov (30)

Oybek YUNUSOV, O‘zA