Жиззах вилоятида футзал бўйича Ўзбекистон Олий лигасининг 3-тури доирасида "Максам-Чирчиқ" - "Сурхон", "Нефтчи" - "Oil star" ва "Бунёдкор" - "Қизилқум" клублари ўртасидаги учрашувлар ташкил этилди.

Ушбу учрашувларда "Бунёдкор" йирик - 8:1 ҳисобида "Қизилқум"ни мағлубиятга учратган бўлса, "Максам-Чирчиқ" жамоаси Улуғбек Худоёров, Ҳайитбой Шарипов томонидан киритилган голлар эвазига "Сурхон" клуби устидан 2:0 ҳисобида ғалаба қозонди. "Нефтчи" эса "Oil star" клубини 3:2 ҳисобида таслим қилди.

Бугун, 11 октябрь куни 3-тур доирасида "BMB PFC" жамоаси "Насаф" клуби билан, "Локомотив" эса "Динамо" билан рақобатлашади. Шунингдек, ОКМК ва “SQB”  жамоалари бугунги кун учрашувларини якунлаб беради.

Жавоҳир Тошхўжаев,

ЎзА