Poytaxtimizdagi “Yunusobod” sport majmuida futzal bo‘yicha mamlakat chempionatining birinchi va oliy liga jamoalari so‘nggi tur uchrashuvlarini o‘tkazdi.

Birinchi ligada faoliyat yuritgan “TTG” jamoasi mavsumda 49 ochko jamg‘ara oldi va chempionat peshqadamiga aylandi. “Dinamo” hamda “Dizak” klublari 39 hamda 33 ochko bilan keyingi o‘rinlarni band etdi.

 Kecha oliy liga jamoalarining so‘nggi tur o‘yinlari bo‘lib o‘tdi. Bir necha turdan buyon peshqadamlikni bermay kelayotgan “BMB” jamoasi “Jizzax Kenteks” bilan mavsumdagi so‘nggi uchrashuvni o‘tkazdi. Katta ustunlik bilan (7:0) raqiblarini dog‘da qoldirgan “BMB” chempionlarga xos o‘yin namoyon etdi.

Mavsum davomida 94 ochko to‘plagan “BMB” jamoasi birinchi, 82 ochko bilan OKMK ikkinchi, “Jizzax Kenteks” klubi esa 78 ochko bilan uchinchi o‘rinni egalladi. Tur o‘yinlari nihoyasiga yetgach, mamlakat chempionati g‘olibi tantanali tarzda taqdirlandi.

Muhammad AMIN(surat),O‘zA