Англия әйелдер құрамасы Еуро-2022 финалында Германияны жеңіп, тарихта тұңғыш рет чемпион атанды.

Уэмбли алаңында өткен кездесудің негізгі уақыты 1:1 есебінде тең аяқталып, қосымша таймның 110 минутында ағылшын құрамасының шабуылшысы Клои Келли гол соғып Англияға жеңіс сыйлады. Қорытынды есеп 2:1.

Осылайша Англия өз тарихында алғаш рет Құрлық чемпионатын жеңіп алды. Немістер финалда алғаш рет жеңіліп қалды. Бұған дейін Германия 8 финалдық кездесуге қатысып, барлығында жеңіске жеткен болатын.