Саудия Арабистони мезбонлигида ўтаётган U23 ёш тоифасидаги Осиё кубогида чорак финалга йўл олган барча жамоалар номи аниқ бўлди.

Гап шундаки, бугун, 14 январь куни “D” гуруҳида сўнгги тур баҳслари бўлиб ўтди. Унда Ироқ – Австралия баҳси 2:3 ҳисобида якунланган бўлса, Хитой Таиланд билан 0:0 ҳисобида дуранг ўйнади. Натижада Австралия 6, Хитой 5 очко билан гуруҳда 1-2 ўринни эгаллаган бўлса, Ироқ ва Таиланд 2 очко билан 3-4 ўринда қолди.

Шу тариқа, чорак финалда 16 январь куни Япония ва Иордания, Вьетнам – БАА термалари баҳслашса, Ўзбекистон ҳамда Хитой, Жанубий Корея ва Австралия  17 январда ярим финал йўлланмаси учун рақобатлашади.

Жавоҳир Тошхўжаев, ЎзА