Saudiya Arabistonida 23 yoshgacha bo‘lgan futbolchilar o‘rtasida o‘tayotgan Osiyo kubogida bugun “B” va “S” guruhlarida ikkinchi tur uchrashuvlari bo‘lib o‘tadi.

“C” guruhidan o‘rin olgan O‘zbekiston yoshlar terma jamoasi soat 19:00da Eron termasiga qarshi maydonga tushadi. 

Shuningdek, ushbu guruhdagi ikkinchi o‘yinda Janubiy Koreya – Livan o‘zaro to‘qnash keladi. Eslatib o‘tamiz, Ravshan Haydarov qo‘l ostidagi jamoamiz ilk tur yakuniga ko‘ra, 3 ochko bilan guruhda peshqadamlik qilmoqda. 

“B” guruhida esa ikkinchi tur doirasida Yaponiya va BAA guruhda kim favorit ekanini isbotlash uchun raqobatlashsa, Qatar – Suriya bahsida har ikki jamoa ilk 3 ochko uchun bor kuch-g‘ayratini ishga soladi. 

Ma’lumot o‘rnida, kuni kecha "A" guruhidan o‘rin olgan Vetnam 2:1 hisobida Qirg‘izistonni mag‘lub etdi va ochkolarini 6 taga yetkazib oldi.

Iordaniya gollarga boy o‘tgan o‘yinda Saudiya Arabistoni ustidan 3:2 hisobida zafar quchji. Natijada ushbu ikki jamoaning ochkolari 3 taga yetib, 2-3 o‘rinlarni band etdi.

Javohir Toshxo‘jayev, O‘zA