Өзбекстан әйелдер ұлттық құрамасы футбол тарихында маңызды нәтижеге қол жеткізді — команда алғаш рет «AFC Women’s Asian Cup» турнирінің ширек финалына жолдама алды.

Бұл туралы Өзбекстан Ұлттық олимпиада комитеті баспасөз қызметі хабарлады.

Австралияда өтіп жатқан чемпионаттың соңғы турында Бангладеш құрамасын 4:0 есебімен ірі жеңген Өзбекстан командасы «B» тобында 3 ұпаймен үшінші орынды иеленді.

Сонымен қатар, үшінші орын алған командалар арасында ең жақсы доп айырмасына ие болғандықтан, Өзбекстан құрамасы плей-офф кезеңіне жолдама алды.

Бұған дейін футболшы қыздар екінші турда Қытай құрамасынан 0:3 есебімен жеңіліс тапқан болатын. Ал алғашқы матчта Солтүстік Корея командасына 0:3 есебімен есе жіберген еді.