Абдуқодир Ҳусанов Англия Лига кубогининг 1/2 финал босқичи биринчи учрашувлари рамзий жамоасидан жой олди. А.Ҳусановдан ташқари "Манчестер Сити"дан Макс Аллейн, Раян Черки ва Антуан Семеньё ҳам ушбу рўйхатдан ўрин олган.

Эслатиб ўтамиз, Англия Лига кубогининг ярим финал илк баҳсида "Манчестер Сити" "Ньюкасл"ни 2:0 ҳисобида мағлуб этган эди.

***

Испания кубогида  1/8 финал босқичи якунларига кўра, "Барселона", "Альбасете", "Валенсия", "Атлетико Мадрид", "Реал Сосьедад", "Атлетик Бильбао", "Алавес" ва "Бетис" жамоалари чорак финалга чиқди. 19 январь куни мусобақанинг 1/4 финал босқичига қуръа ташланади.

***

Туркия кубогининг иккинчи тури доирасида "Эрзурумспор" ўз уйида "Ризеспор"ни қабул қилди ва 2:0 ҳисобида ғалаба қозонди. Мазкур баҳсда Ўзбекистон терма жамоаси аъзоси Ҳусниддин Алиқулов меҳмонлар сафида асосий таркибда майдонга тушиб, тўлиқ 90 дақиқа ҳаракат қилди.

***

Анталияда йиғин ўтказаётган “Андижон” режага кўра, бугун 16 январь куни ўзининг иккинчи назорат учрашувида Венгриянинг “Вашаш” клубига қарши майдонга тушади. Беллашув Тошкент вақти билан 18:00 да бошланади.  

***

12 февраль куни 2026 йилнинг 14–31 май кунлари Саудия Арабистони мезбонлик қиладиган U-17 Осиё кубоги финал босқичига қуръа ташланади.

Қуръада жамоалар 4 та саватчага ажратилган бўлиб, Ўзбекистон U-17 терма жамоаси мусобақа ғолиби сифатида 1-саватчадан ўрин олган. Мусобақанинг энг яхши 8 та жамоаси 2026 йилги ўсмирлар ўртасидаги мундиалда иштирок этиш ҳуқуқини қўлга киритади.

***

"Қизилқум" жамоаси янги мавсум учун сўнгги тайёргарликни Туркиянинг Анталия шаҳрида давом эттиради. Акмал Рустамов қўл остидаги "Қизилқум" мазкур ўқув-йиғин машғулотларида бир нечта назорат баҳсларида майдонга тушади.  

Назорат учрашувлари рўйхати:

24.01.2025 | "Қизилқум" – "CКА Хабаровск" (Россия)

27.01.2025 | "Қизилқум" – "Факел" (Россия)

30.01.2025 | "Қизилқум" – "Тиквеш" (Македония)

10.02.2025 | "Қизилқум" – "Простеёв" (Чехия)

***

"Андижон" расман Мартин Боаке билан шартнома имзолаганини эълон қилди. Маълумотларга кўра, ҳужумчи андижонликлар сафида йилига таҳминан 400 минг АҚШ доллар маош олади. Боаке "Андижон"га келишдан аввал Туркия чемпионатида "Болуспор" сафида фаолият олиб борди ва 19 учрашувда 3 та гол ва 2 та ассистни амалга оширди.

Жавоҳир Тошхўжаев,

ЎзА