Хабар берганимиздек, айни кунларда халқаро ўқув-машғулот йиғинида иштирок этаётган Ўзбекистон U-23 терма жамоаси Хитойга қарши иккинчи учрашувни ўтказди.

"Париж-2024" Олимпиадасига ҳозирлик кўраётган Тимур Кападзе шогирдлари мазкур баҳсда ҳам рақиблари устидан 2:1 ҳисобида ғалаба қозонди. Хитой дарвозасига йўлланган голларга Жасурбек Жалолиддинов ва Алишер Одилов муаллифлик қилди. Биринчи ўйинда терма жамоамиз аъзолари 3:1 ҳисобида ғалаба қозонган эди.  

Тошкентда ўқув-машғулот йиғинларини ўтказаётган Ўзбекистон U-18 терма жамоаси кеча Туркия терма жамоаси билан куч синашди. Иккинчи бор ўтган ўртоқлик ўйинида ҳамюртларимиз 0:1 ҳисобида имкониятни бой бериб қўйди. Фарҳод Нишонов бошқарувидаги жамоа биринчи учрашувда Туркия терма жамоасини 3:1 ҳисобида мағлуб этган эди.  

Т.Рўзиев,  

ЎзА