Аргентинада 20 жасқа дейінгі футболшылар арасында өтіп жатқан әлем чемпионатының 1/8 финалдық кездесулері басталды.

Онда Өзбекстан U-20 құрамасы Израиль құрамасымен кездесіп 0:1 есебінде жеңіліп, әлем чемпионатындағы кездесулерін аяқтады. 

Матчтың 90+7-минутында Израиль құрамасының ойыншысы А.Халаили соққан голдың нәтижесінде израилдік футболшылар келесі кезеңге жол алды.

Сондай-ақ осы кезең аясында өткен АҚШ-Жаңа Зеландия кездесуінде 4:0 есебімен АҚШ құрамасы 1/4 финалға шықты.