Футбол бўйича Ўзбекистон миллий терма жамоаси сентябрь ойида ЖЧ-2022 иштирокчилари бўлган Коста-Рика ва Камерун жамоалари билан баҳс олиб боради.

Бу ҳақда Ўзбекистон футбол ассоциацияси матбуот хизмати маълум қилди.

Айтиш лозим, мазкур ўртоқлик учрашувлари Ўзбекистон терма жамоасининг Корея Республикасида бўладиган ўқув-машғулот йиғини даврида ўтказилади.

Вакилларимизнинг Камерун терма жамоаси билан ўйини 23 сентябрь куни бўлиб ўтса, Коста-Рика жамоаси билан учрашуви 27 сентябрга белгиланган.

Т.Рўзиев, ЎзА