Кеча 19-турнинг дастлабки иккита учрашуви ўтказилди. Андижонда мезбонлар “Сўғдиёна” жамоасини қабул қилишди. Кескин, муросасиз ўтган баҳсда ҳисоб очилмади.

Бухорода эса “Сурхон” жамоаси меҳмон бўлди. Ўйиннинг биринчи бўлимида кучлар тенг кўриниш олди. Иккинчи бўлимда эса ташаббусда устунлик қилган термизликлар ниятларига етишди. Шохназар Норбеков ва Абдул Азиз Юсупов томонидан киритилган голлар эвазига “Сурхон” жамоаси муҳим уч очкони қўлга киритди.

Икки ўйин ўтказилган бўлсада, ҳозирдан турнир жадвали ҳақида гапиришга ҳали эрта. Сабаби бугун ва эртага тур ўйинлари давом эттирилади. Ана ундан кейин Супер лиганинг бугунги кунги вазияти ҳақида тўхталсак бўлади.

19-турнинг дастлабки икки ўйини натижалари:

“БУХОРО” – “СУРХОН” - 0:2

Голлар: Шохназар Норбеков (47), Абдул Азиз Юсупов (90+6)

“АНДИЖОН” – “СЎҒДИЁНА” - 0:0

Турнинг қолган ўйинлари:

14 сентябрь

АГМК — “ДИНАМО”

“ҚИЗИЛҚУМ” — “НАСАФ”

15 сентябрь

“ҚЎҚОН-1912” — “БУНЁДКОР”

“НАВБАҲОР” — “ПАХТАКОР”

“ЛОКОМОТИВ” — “МЕТАЛЛУРГ”.