Бугун, 14 май куни тунда Ўзбекистон U-20 терма жамоаси Уругвай U-20 терма жамоасига қарши ўртоқлик учрашувини ўтказди.

Жаҳон чемпионатига тайёргарлик кўраётган мамлакатимиз ёшлар терма жамоаси океан орти жамоаси билан кечган ўйинда 2:0 ҳисобида имкониятни бой берди. Учрашувнинг 70 ва 90(+4) дақиқаларида уругвайликлар иккита голга муаллифлик қилди.

Осиё чемпионлигига эришган терма жамоамиз Уругвайга қарши ўйинда Отабек Боймуродов, Жаҳонгир Ўрозов, Абдуқодир Ҳусанов, Диёр Ортиқбоев, Маҳмуд Маҳамаджонов, Зафармурод Абдираҳматов, Беҳруз Асқаров, Шерзод Эсанов, Аббосбек Файзуллаев, Пўлатхўжа Холдорхоновдан иборат футболчилар билан ҳаракатланди.

Эслатиб ўтамиз, ҳамюртларимиз қатнашадиган ёшлар ўртасидаги Жаҳон чемпионати жорий йилнинг 20 май-11 июнь кунлари Аргентинада бўлиб ўтади.

Т. Рўзиев, ЎзА