Bugun, 4 mart kuni Toshkent va Farg‘ona stadionlarida 20 yoshgacha futbolchilar o‘rtasidagi Osiyo kubogining 2-tur bahslari bo‘lib o‘tadi.

2-turda O‘zbekiston terma jamoasi Iroq futbolchilariga qarshi maydonga tushadi. Har ikki jamoaning “A” guruhida 3 ochkoga ega ekanligini nazarda tutsak, aynan bugungi o‘yin guruhdagi yetakchini aniqlashda muhim nuqta hisoblanadi. Ushbu bahsga futbol muxlislari “Bunyodkor” stadionida guvoh bo‘lishlari mumkin. Guruhdagi ikkinchi o‘yinda Indoneziya – Suriya terma jamoalari kuch sinashadi. Ushbu uchrashuv poytaxtimizdagi "Lokomotiv" stadionida bo‘lib o‘tadi.  

Shuningdek, bugun “B” guruhidagi ikkita uchrashuv Farg‘onadagi “Istiqlol” o‘yingohida tashkil etiladi. Avvaliga Eron – Avstraliya, undan keyin Vetnam – Qatar “dueli” 2-turdan keyin jamoalarning guruhdagi o‘rinlariga aniqlik kiritib beradi.  

T. RO‘ZIEV,  

O‘zA