Xabaringiz bor, navbatdagi Osiyo chempionati 2023 yili Xitoyda tashkil etiladi.

Osiyo futbol konfederatsiyasi mazkur musobaqaga qur’a tashlash muddatini ma’lum qildi. Unga ko‘ra, 2022 yilning 24 fevral kuni soat 12:00 da Kuala Lumpurdagi OFK qarorgohida qur’a tashlash marosimi onlayn tarzda o‘tkaziladi.

Eslatib o‘tamiz, O‘zbekiston milliy terma jamoasi qur’ada Bahrayn, Iordaniya, Qirg‘iziston, Falastin va Hindiston bilan birga 1-savatchadan joy olgan. Saralash bahslari 2022 yilning iyun oyida markazlashgan tarzda o‘tkaziladi. Guruh bahslari faqat bitta o‘yindan iborat bo‘lib, jamoalar ushbu bosqichda 8, 11 va 14 iyun kunlari uchta o‘yin o‘tkazishadi.



Oybek YUNUSOV, O‘zA