Bir necha daqiqa oldin OFK qarorgohida Osiyo Chempionlar ligasining guruh o‘yinlariga qur’a tashlandi.

Uchinchi savatchadan joy olgan “Paxtakor” jamoasi "D" guruhida "Al Duhail" (Qatar), "Sepaxon" (Eron) hamda saralash o‘yinidani "Al Taavon" (S.Arabistoni) - "Al Jayish" (Suriya) uchrashuvi g‘olibi bilan kurashga kirishadigan bo‘ldi. “Nasaf” esa 15 mart kuni pley-offda “Baniyas”ga qarshi o‘yinda g‘alaba qozongan taqdirda OCHLning guruh o‘yinlarida  “Ye” guruhida kurashni davom ettiradi. Qarshiliklarning raqiblari "Al Sadd" (Qatar), "Al Faysali" (Saudiya Arabistoni) va "Al Vihdat" (Iordaniya) bo‘ladi. Agar "Nasaf" OCHL guruh bosqichiga chiqa olsa, Jizzaxning "So‘g‘diyona" klubi OFK kubogi guruh bosqichida qatnashadi. Mabodo "ajdarlar" "Baniyas" to‘sig‘idan o‘ta olishmasa, Qarshi klubining o‘zi OFK kubogida ishtirok etadi.

Qur’a natijalari:
"A" guruhi:
"Al Hilol" (Saudiya Arabistoni)
"Ar Rayan" (Qatar)
"Istiqlol" (Tojikiston)
"Sharja" (BAA) - "Al Zavra" (Iroq) g‘olibi

"B" guruhi:
"Al Jazira" (BAA)
"Al Shabab" (Saudiya Arabistoni)
"Mumbay Siti" (Hindiston)
"Eyr Fors" (Iroq)

"C" guruhi:
"Fulad" (Eron)
"Shabab Al Ahli" (BAA)
"Ahal" (Turkmaniston)
"Al Garafa" (Qatar)

"D" guruhi:
"Al Duhail" (Qatar)
"Sepaxon" (Eron)
"Paxtakor" (O‘zbekiston)
"Al Taavon" (S.Arabistoni) - "Al Jayish" (Suriya) g‘olibi

"E" guruhi:
"Al Sadd" (Qatar)
"Al Faysali" (Saudiya Arabistoni)
"Al Vihdat" (Iordaniya)
"Baniyas" (BAA) - "Nasaf" (O‘zbekiston) g‘olibi

G‘arb mintaqasidagi guruh bosqichi o‘yinlari shu yilning 7-27 aprel kunlari markazlashgan holda o‘tkaziladi. Keyingi bosqich o‘yinlari esa 2023 yilga belgilangan.

Nimchorak final - 3 va 4 fevral, 2023 yil
Chorak final - 7 fevral 2023 yil
Yarim final - 10 fevral 2023 yil
Final 19 va 26 fevral 2023 yil.

Oybek YUNUSOV, O‘zA