Келгуси йилнинг 11 июнь - 19 июль кунлари АҚШ, Мексика ва Канада давлатларида футбол бўйича ташкил этиладиган Жаҳон чемпионатига тайёргарлик кўраётган Ўзбекистон миллий терма жамоаси нуфузли мусобақа олдидан Канада термасига қарши ўртоқлик ўйинида майдонга тушади.

Бу ҳақда хабар тарқатган Ўзбекистон футбол ассоциацияси мазкур учрашув 2026 йилнинг 1 июнида Канаданинг Эдмонтон шаҳрида ўтказилишини билдирди.

Фабио Каннаваро бош мураббийлигидаги Ўзбекистон миллий терма жамоаси 2026 йилнинг 20 январидан 30 январига қадар ўқув-машғулот йиғинини ўтказади.

Мазкур йиғин ФИФА кунларига тўғри келмаётгани сабабли унда фақат Ўзбекистон Суперлигаси жамоаларида ҳаракатланаётган футболчилар иштирок этиши кутилмоқда.

Т.Рўзиев,

ЎзА