Bugun, 31 avgust kuni Yevropa chempionlar ligasining guruh bosqichida ishtirok etadigan 32 ta jamoa uchun qur’a tashlash marosimi bo‘lib o‘tadi.

Qur’a tashlash tadbirlari Monakoda tashkil etiladi. Guruh bosqichida 26 jamoa to‘g‘ridan-to‘g‘ri ishtirok etsa, 6 jamoa saralash bosqichidagi g‘alabasi orqali asosiy bosqichga yetib keldi.  

Qur’a oldidan savatchalar quyidagi ko‘rinishni oldi:  

1-savatcha: «Napoli» (Italiya), «Barselona» (Ispaniya), «PSJ» (Fransiya), «Bavariya» (Germaniya), «Manchester Siti» (Angliya), «Feyenoord» (Niderlandiya), «Sevilya» (Ispaniya), «Benfika» (Portugaliya);  

2-savatcha: «Real» (Ispaniya), «Portu» (Portugaliya), «Borussiya» Dortmund (Germaniya), «RB Leypsig» (Germaniya), «Atletiko» (Ispaniya), «Inter» (Italiya), «Manchester Yunayted» (Angliya), «Arsenal» (Angliya);  

3-savatcha: «Shaxtyor» (Ukraina), «Red Bull Zalsburg» (Avstriya), «Milan» (Italiya), «Braga» (Portugaliya), «Latsio» (Italiya), «Srvena Zvezda» (Serbiya), «Kopengagen» (Daniya), PSV (Niderlandiya);  

4-savatcha: «Antverpen» (Belgiya), «Seltik» (Shotlandiya), «Galatasaroy» (Turkiya), «Yang Boyz» (Shveysariya), «Lans» (Fransiya), «Real Sosedad» (Ispaniya), «Union» Berlin (Germaniya), «Nyukasl» (Angliya).  

Eslatib o‘tamiz, to‘rtta savatchadagi 32 ta jamoa qur’a natijalariga ko‘ra, 8 ta guruhdan joy oladi. Guruhlardagi ilk o‘yinlarga 19 sentyabrdan start beriladi.  

Qur’a tashlash marosimi bugun Toshkent vaqti bilan 21:00 da boshlanadi.  

T.Ro‘ziyev,

O‘zA