Футбол бўйича 2026 йил бўлиб ўтадиган Жаҳон чемпионатига чиқиш учун Европа минтақасида саралаш баҳслари ўтказилаётганидан хабарингиз бор, албатта.

Куни кеча ушбу саралаш доирасида ўтган беллашувлар натижасига кўра, Швейцария, Испания, Шотландия, Австрия ва Бельгия терма жамоалари мундиал йўлланмасини нақд қилди. Натижада чемпионатнинг 48 та ўрнидан 39 таси тўлди ҳамда турли минтақалардаги терма жамоалар учун яна 9 та йўлланма мавжуд.

Эслатиб ўтамиз, Жаҳон чемпионатида АҚШ, Канада ва Мексика терма жамоалари мезбон бўлгани учун тўғридан-тўғри қатнашмоқда. Ўзбекистон, Япония, Янги Зеландия, Эрон, Аргентина, Жанубий Корея, Иордания, Австралия, Бразилия, Эквадор, Уругвай, Колумбия, Парагвай, Марокаш, Тунис, Миср, Жазоир, Гана, Кабо-Верде, ЖАР, Қатар, Саудия Арабистони, Англия, Сенегал, Кот-д'Ивуар, Франция, Хорватия, Норвегия, Португалия, Германия, Нидерландия, Швейцария, Испания, Шотландия, Австрия ва Бельгия каби давлатлар саралаш босқичларидан муваффақиятли ўтган ҳолда мусобақа иштирокчисига айланган.

Маълумот ўрнида: 2026 йилнинг 11 июнь куни старт оладиган мундиал 19 июль кунига қадар давом этади.

Жавоҳир Тошхўжаев,

ЎзА