Бүгін, 27 ақпан күні футболдан Өзбекстан Суперлигасы ойындарының жаңа маусымы ресми түрде басталады.

Жаңа маусымды «Бұхара» мен «Қоқан 1912» командалары арасындағы кездесу ашады. Бұхара қаласында өтетін матч 18:00-де басталмен.

Сондай-ақ бүгінгі ойындар аясында «Әндіжан» – «Согдияна» және «Пахтакор» – «Қызылқұм» кездесулері өтеді. Әндіжандағы матч 18:45-ке жоспарланған болса, Ташкенттегі ойын 19:00-де басталады.

28 ақпан күні де бірінші тур аясында үш матч өтеді. Қалған екі кездесу 1 наурызға белгіленген.

Суперлиганың жаңа маусымы 3 желтоқсанда аяқталады. Өтпелі ойындардың соңғы кездесулері 12 желтоқсанда өтеді.

Айта кетейік, өткен маусымда «Нефтчи» чемпион атанса, «Пахтакор» күміс жүлдеге ие болды, ал «Насаф» қола медаль жеңіп алған еді.