Футбол: Ауғанстан жастар құрамасының ойыншысы қайғылы жағдайда көз жұмды
Ауғанстан жастар құрамасының футболшысы Заки Анвари елден кетпек болғанда қайтыс болды.
Журналист Бабак Тагуэйдің Twitter -дегі хабарында, спортшы Кабул әуежайынан ұшып бара жатқан америкалық С-17А әскери ұшағынан ұстап, елден кетуге тырысқандардың қатарында болған. Оның денесі шасси бөлімінен табылғаны айтылады.
16 тамызда Ауғанстан тұрғындары Кабул әуежайынан ұшып бара жатқан АҚШ армиясының ұшағына жабысып, елден кетуге тырысқан бейне тараған еді. Осы жағдайда шасси мен ұшақ корпусының басқа бөлігіне жабысқан азаматтар құлап қаза тапқан болатын.