Nukusda futbol bo‘yicha Qoraqalpog‘iston kubogi uchun final o‘yini bo‘lib o‘tdi.

Hal qiluvchi bahsda Qoraqalpog‘iston Respublikasi futbol akademiyasi hamda Qoraqalpoq davlat universiteti jamoalari bosh sovrin uchun maydonga chiqishdi. O‘yinning asosiy vaqti 1:1 hisobi bilan yakunlandi. Qo‘shimcha vaqtlarda Sh.Paxratdinov hamda M.Jamidovlar tomonidan kiritilgan gollar futbol akademiyasi jamoasiga g‘alaba keltirdi. Shunday qilib, yosh futbolchilar 3:1 hisobida g‘alaba qozonib, Qoraqalpog‘iston kubogi sohibi bo‘lishdi.

G‘oliblarga kubok hamda medallar tantanali ravishda topshirildi.

Qoraqalpog‘iston kubogi sohibi – futbol akademiyasi jamoasi endi 29 oktyabr kuni futbol bo‘yicha Andijon viloyatida bo‘ladigan mamlakat final bosqichida ishtirok etadi.

Dovud Abibullayev, O‘zA muxbiri