Европа иттифоқи кенгаши фуқаролари учун Иттифоқ чегаралари очилувчи мамлакатлар рўйхатини кенгайтирди.

Тегишли маълумот Еврокенгаш томонидан эълон қилинди.  

“Кенгаш аъзо давлатларнинг сарҳадлари босқичма-босқич очилиб борувчи давлатлар рўйхатига Японияни қўшди”, дейилади ҳужжатда.

Ҳозирда фуқаролари учун Европа сарҳадлари очилаётган мамлакатлар рўйхатида Австралия, Исроил, Янги Зеландия, Руанда, Сингапур, Жанубий Корея, Таиланд, Хитой ва Япония мавжуд.  

Россия ва АҚШ ҳалигача рўйхатга киритилмаган.  

13 майда Еврокомиссия сайёҳликни тиклаш бўйича тавсияларини тақдим этганди.