Андижон шаҳридаги "Ишчилар" МФЙда истиқомат қилувчи фуқаро M.Ш. ўз хонадонида техник талабларга зид равишда бензин ёнилғисини сотаётгани маълум бўлди.

Хусусан, ушбу хонадонда бўлган юк автомашинасидан жами 4 тонна 910 литр АИ-92 маркали бензин ёнилғиси бўш елим идишларга қуйиб олинаётгани аниқланди.  

Олиб борилган суриштирув ишлар натижасида ушбу бензин ёнилғиси Фарғона шаҳрида жойлашган “МЧЖ"га қарашли корхонадан ҳеч қандай тегишли ҳужжатларсиз (юк хати, шартнома, сертификатсиз) жами 47 миллион 900 минг сўмга сотиб олингани маълум бўлди.  

Ҳозир ушбу ҳолат юзасидан Маъмурий жавобгарлик тўғрисидаги кодекснинг тегишли моддалари билан қонуний чоралар кўрилмоқда, дейилади "Ўзэнергоинспекция" ахборот хизмати хабарида.  

Н.Зиёдуллаева тайёрлади,

ЎзА