Marokash qirolligi futbol federatsiyasi (FRMF) Xalqaro futbol federatsiyalari uyushmasi (FIFA)ga Qatarda o‘tgan jahon chempionatining Fransiya va Marokash ishtirokidagi yarim final o‘yinini boshqargan hakamlar guruhi ishidan norozi bo‘lib shikoyat xati yo‘lladi.

Xabarda aytilishicha, mazkur uchrashuvni boshqargan hakamlar guruhi Marokash terma jamoasini ikki bor penaltidan mahrum qilgan. Aynan hakamlar xatosi tufayli marokashliklar g‘alabadan mosuvo qilindi.  

Ushbu jarima zarbalari bilan bog‘liq vaziyatlarni tekshirishda VAR tizimidan foydalanilmagani shubhali, deyiladi FRMF murojaatida.

Eslatib o‘tamiz, fransuzlarning 2:0 hisobidagi g‘alabasi bilan yakunlangan bu o‘yinni meksikalik Arturo Ramos Palasuelos boshchiligidagi mutaxassislar boshqarib bordi.

T. Ro‘ziyev, O‘zA