Жон Хопкинс университети қошидаги Марказий Осиё ва Кавказ институтининг асосчиси ва раиси Фредерик Старр Тошкентда бўлиб ўтган халқаро конференциянинг аҳамияти ҳақида қуйидагиларни сўзлаб берди:

– Конференциядан улкан таассурот олдим. Ўзбекистон Республикаси Президенти Шавкат Мирзиёев жуда ўринли таъкидлади. У “биз янги бирон нарса бошлаётганимиз йўқ, бу қадимий ва ҳақиқий минтақанинг қайта кашф қилиниши, Жанубга йўлнинг қайта қурилишидир”, – деди.

Таъкидлашим керак, илгари бу иложсиз ишга ўхшар эди. Энди эса бутун дунё мазкур конференция юзасидан фикр билдирмоқда. Демак, бугунги анжуман – байрам.

Аммо Марказий ва Жанубий Осиё ўртасида йўлларнинг очилиши учун қатор ўзига хос масалалар ҳал қилиниши керак. Ишончим комилки, 2-3 йил ичида минтақалараро ҳаракатлар ижобий натижа кўрсата бошлайди.

Конференция чоғида билдирилган фикрларга тўлиқ қўшиламан, ғоялар жаҳонда тан олинмоқда. Ташкилотчиларни қутлаш керак, зеро улар бутун дунёга Марказий Осиё борлигини ва Жанубга йўл очилишини эълон қилмоқда.

ЎзА