Францияда Темуридтер тарихы мен өнерін зерттеу қауымдастығының президенті Фредерик Брессанд Өзбекстандағы конституциялық реформаларға қатысты пікір білдірді.

– Өзбекстан Конституциясын жүйелі реформалау – Президент Шавкат Мирзияев бастамасымен саяси, экономикалық және әлеуметтік салаларда терең ойластырылған реформаларды жүзеге асыруға бағытталған республиканы демократияландырудың жарқын мысалы. Соның ішінде республикаға шетелдік бизнесті тартуға жасалған жағдай көңіл аударарлық. Мәдениет саласында мәдени мұра нысандарын қалпына келтіру және сақтау шаралары жүргізілуде.

Бүгінгі таңда әлем жылдам өзгеруде және бұл өз кезегінде әлем елдерінен заманауи шындыққа лайықты жауап беруді талап етеді. Осы орайда Өзбекстан халықаралық қоғамдастыққа демократияландыру мен заң үстемдігін қамтамасыз етуді жақтайтынын көрсетпек.

Шавкат Мирзияевтың Конституциялық комиссия мүшелерімен кездесуінің қорытындысын қарастыра отырып, бұл мәселені талқылауға қалың жұртшылықты тартуға ерекше көңіл бөлінгені мені қуантты. Бұл Өзбекстан Конституциясының жобасына қарапайым азаматтардың өз ұсыныстары мен пікірлерін белсенді түрде білдіруде деген сөз. Бір қызығы, жұмыс барысында 50 мыңға жуық осындай ұсыныс түскен. Бұл көрсеткіш азаматтық қоғамның белсенділігін көрсетіп, халықтың ерік-жігерінің жаңа Конституцияда толық көрініс тапқанын білдіреді.

Маған ел Президентінің өлім жазасын алып тастау туралы бастамасы ұнады. Бұл өте маңызды бастама және алға жасалған үлкен қадам деп ойлаймын. Президент Шавкат Мирзияевтің басшылығымен жүргізіліп жатқан реформалар адамның негізгі құқықтарын, адам бостандығы мен қадір-қасиетін құрметтеуді қамтамасыз етуге бағытталған, бұл шын мәнінде демократияның негізі болып табылады. Ал тиісті нормалар Конституцияда көрініс табуы өте маңызды.

Еркіндікті қамтамасыз ету ережелері жұртшылықтың шетелге еркін шығып, білім алып, жұмыс істеуіне, мемлекет дамуы үшін тың бастамалармен оралуына маңызды жағдай туғызады.

Сондай-ақ, жаңа Конституцияда халықты әлеуметтік қорғауға қатысты нормалардың енгізілгені де мені қуантты. Бұл ереженің қажеттілігін Еуропадағы пандемия кезінде, әсіресе Францияда адамдарға медициналық көмектен басқа қаржылық және басқа да көмек қажет болған кезде байқауға болатын еді.

Мына сөзді ерекше атап өткім келеді, Шавкат Мирзияев «отбасы» ұғымына ерекше мән береді, өйткені отбасы қоғамның өзегі. Осыған орай, жаңа Конституция отбасы институтын қорғап, оның қоғамдағы рөлін, әсіресе, дер кезінде күшейтеді.

Қорытындылай келе, бүгінде Өзбекстанның әділетті және демократиялық құқықтық мемлекет құру ниеті бар екенін, бұл өз кезегінде оның қарқынды дамып, халықаралық аренада берік орын алуына мүмкіндік беретінін айтқым келеді.