Франция президенті Эммануэль Макрон Беларусьтағы болып жатқан наразылықты қолдауын мәлімдеп, Еуроодақ бейбіт шеруге қатысушыларға қолдау көрсетуді жалғастыруы керек деген.

Макрон өзінің «Twitter-дегі» жазбасында «Еуроодақ бейбіт митинг кезінде өз құқықтарын, бостандықтары мен егемендігін сақтауға ұмтылған жүздеген мың белоруссиялықтарды қолдауын жалғастыруы керек», - деп мәлімдеген.

Минскіде жексенбі күні Беларуссияның қазіргі билігіне қарсы мыңдаған қарсыластардың бейбіт митингі өтті. Бұл наразылық акциясы бұған дейінгі өткен митингтердің ең ауқымдысы болды. Өйткені бұл митингке Александр Лукашенконың жақтастары да қатысты. Олар қазіргі билікке қарсы наразылық білдіргендерге қарсы митингке шыққан.