Fransiyada har yili o‘tkaziladigan musiqa festivali bugun ham mamlakatda keng nishonlandi. Tadbirda o‘n minglab odam ishtirok etgan.

Euronews xabariga ko‘ra, ushbu tadbir koronavirusning oldini olishga qaratilgan sanitariya qoidalari buzilishiga sabab bo‘lgan. Millionlab musiqa ixlosmandlari ko‘chalarga chiqib, ommaviy tadbir uyushtirgan.

"Tibbiy niqob taqish majburiyati bekor qilingan bo‘lsa-da, jamoat joylarda mazkur qoida amal qilishi kerak", – deyiladi hukumat xabarida. Shuningdek, 10 dan ortiq odam to‘planib turishi taqiqlangan.

Yirik shaharlar, jumladan, Parij va Marselda politsiya odamlarni tarqatishga majbur bo‘lgan.