Франциядағы президенттік сайлаудың бірінші кезеңінде қазіргі президент Эммануэль Макрон мен Ұлттық ассамблеяға кандидат Марин Ле Пен алда келеді.

BFMTV арнасының хабарлауынша, Эммануэль Макрон 28,5 пайыз, «Ұлттық бірлестік» партиясының өкілі Ле Пен 24,2 пайыз дауыс жинаған.

2017 жылғы ең кейінгі сайлауда Макрон бірінші турда 24 пайыз, Ле Пен 21,3 пайыз дауыс жинаған болатын. Екінші турда Макрон 66,1 пайыз дауыспен жеңіске жетті. Ле Пенді сайлаушылардың 33,9 пайызы қолдаған.

Сайлауға жалпы 12 үміткер қатысты. Үшінші орын 20,1 пайыз дауыспен «Бағынбаған Франция» солшылдар кандидаты Жан-Люк Меланшонға бұйырды. 7,2 пайыз дауыспен төртінші орын «Реконкиста» қозғалысының жетекшісі Эрик Земмур екінші турда Ле Пенді қолдайтынын айтқан.

Франциядағы президенттік сайлаудың екінші тур 24 сәуірде өтеді.